Skip to main content

"Si të jesh single?!" E di shumë mirë...

Ose pritshmëritë e mia janë shumë të larta, ose ju që më thatë se filmi ishte WOW, nuk e dini se c’ka dashur të thotë autori realisht në filmin “Si të jesh single?” E në fakt, askush nuk ishte single aty, sepse cdo gjë vinte rrotull e një përfundimi: dhimbje të marrëdhënieve të dështuara, pasi janë vënë në provë dhe romanca novelash të dëgjuara qindra herë, asgjë e jashtëzakonshme deri këtu…
Në standartin e një New York-ezeje, nuk besoj se të jesh cift ka të bëjë me të qënurit e mërzitshme apo të humbasësh fillin e dëshirave të vetes duke u ndjerë komforte me një marrëdhënie disa vjecare prej të cilës mendon të bësh një hap djathtas për “të liruar krahun” që të ndjesh se ke nevojë të rivendosësh vetëm “cantën” tënde në krah, të mbushur me histori të reja e me netë të cmëndura që kuptosh se si është të jesh single!
Se praktikisht është si të ikësh prej “një prange” në tjetrën, në këndvështrimin e hapësirës së kërkuar flas (që nuk u ngopët me të…)

Që unë të gjeja veten përballë tabelës së madhe me mbishkrimin “Si të jesh single?” nuk do e kisha marrë asnjëherë seriozisht, madje do shtoja:
-Me vërte? Unë jam me “gradë shkencore” në këtë fushë.

E ndërsa e pohova këtë, tre djem që ecnin para meje po më shihnin cuditshëm…
-          Po pse mi, m’u drejtua njëri?
Në një moment u stepa, dhe pyeta veten me fjalinë e tij… Instiktivisht do thoja atë që rëndom e thonë edhe mikeshat e mia: NUK KA MË BURRA!!! JA PSE…
Por ajo që realisht m’u dëgjua prej zërit të koshiencës ishte se të qënurit single, ka qënë zgjedhja ime, për vite me rradhë, sepse unë e pëlqeja shumë! Po po, për cudi është shije e mirë e asaj që kam zbuluar gjatë kësaj kohë. Nuk ndihesh aspak e kërcënuar nga ideja nëse “jam mjaftueshëm e mirë”, “a angazhohem plotësisht?”  “mos jam shumë indiferente?” blah blah blah .



Në fillim kam qenë e dyshimtë;  nëse kjo gjë ishte një mënyrë mohimi apo mbrojtjeje e vetes, me qëllim që të gjeja një përgjigje mjeshtërisht pasqyruese të asaj që unë isha me atë që të tjerët duan të shohin. Kuptoj se ndonjëherë është pak e frikshme të dish realisht se cfarë kërkon, madje më e frikshme më bëhet situata kur e gjen veten përballë dikujt dhe nuk përqëndrohesh të zbulosh cilësitë e mira por të përjashtosh me një checklist të gjitha gjërat që ti si një paranojake i dije mjaft mirë.
Dhe e gjej veten prap në brëndinë e filmit, duke dashur të “ulëras” se të qënurit single, nuk është zgjidhje, as prej marrëdhënieve shumë-vjecare, as pse kërkon “ hapësirë”, që të ndihesh pak më pak i impenjuar, as që të zhdukësh kartën tënde të kreditit për t’u qërasur nga kushdo që në fund të darkës ta gjesh veten në apartamentin e tij…

Është zgjedhje, si cdo gjë tjetër, si një këmishë që zgjedh të hënën, si një roman që zgjedh të shtunën, si muzika.
…ashtu sic zgjedh të jesh e lumtur vetëm, zgjedh të mbledhësh lumturinë në dy!
Dhe më beso, receta e një “single-prej-kohesh-se-kështu-ma-kishte-qejfi” është:
“PA MERAK, DO TË TAKOSH DHE TI DIKË QË DO TË TË BËJË TË ZHVESHËSH KURORËN E TË QËNURIT SINGLE, SEPSE ASKUSH NGA NE NUK E DI SE CDO TË NDODHË NESËR…”


Comments

  1. Fiori DApril 17, 2016 at 3:20 PM

    Mua me pelqen te te lexoj. Dhe une dua menyren si shkruan!

    ReplyDelete

Post a Comment

Popular posts from this blog

Dashuria të ngrihet në këmbë!

Po venitet dashuria. Jo ajo që përmendet në vargje të zhurmshme, por ajo që merr frymë mes njerëzve, që dridhet në heshtje kur sheh dikë të lënduar, që rri e përulur në qoshe shpirtrash të ndrojtur. Ajo dashuri e thjeshtë, e ndjerë, që nuk ka nevojë për fjalë të mëdha, po tretet si një aromë e vjetër që askush nuk e ndien më. Po shndërrohet në kujtim, në një ndjesi që njerëzit përmendin me mall, por nuk e përjetojnë më. Njerëzit janë bërë të ngurtë, sikur cdo ndjenjë t’i rëndojë. Flasin për dashurinë, por pak kush e njeh. Shumë duan të duken të dashuruar, pak duan vërtet. Zemrat janë kthyer në mjegull, të lodhura nga pritjet, nga zhgënjimet, nga mungesa e butësisë. Dhe kështu dita-ditës ndjeshmëria zbehet ndërsa shpirtrat mbeten bosh, si shtëpi pa dritë. Njerëzit nuk besojnë më në përqafime të sinqerta, sepse janë mësuar me duar që prekin, por nuk ndiejnë. Nuk besojnë më në fjalë, sepse janë lodhur nga ato që tingëllojnë bukur, por peshojnë pak. E kemi harruar gjuhën e syve, përkëd...
7 comments
Read more

Edhe një herë

Ka caste kur njeriu dëshiron vetëm edhe një herë. Jo një jetë tjetër, jo një mrekulli të madhe, por një herë të vetme, një sekondë më shumë, një mundësi të vogël që duket e parëndësishme në dukje, por që për të është gjithcka. Edhe një herë të zgjohesh në mëngjes pa ngut, duke dëgjuar zhurmën e qetë të një dite që ende nuk ka filluar. Ajri i parë që mbush mushkëritë s’është thjesht frymë, por kujtim i gjallë i gjithë asaj që ka humbur dhe i gjithçkaje që ende pret të ndodhë. Edhe një herë të shohë dikë në sy, pa maska, pa fjalë të tepërta, pa frikë se koha do t’ia marrë. Një shikim që nuk ka nevojë për shpjegime, sepse kuptohet në heshtje. Edhe një herë të ndjejë aromën e kafes së freskët, ose erën e shiut në rrugët bosh. Këto gjëra të vogla, që në ngut e lodhje harrohen, janë ato që kthehen në pasuri të pamatshme kur njeriu kupton se koha nuk i jep pafund. Edhe një herë të qeshë me shpirt, ashtu sic qeshin fëmijët, pa menduar për çfarë do të thotë bota, pa ndjerë peshën e barr...
7 comments
Read more

Babait të ardhshëm të vajzës që dua të kem!

Të lutem, duaje. Kur të kthehem pas vizitës time të parë nga gjinekologu pasi të më ketë thënë se është vajzë, të lutem gëzohu. Nëse ka ndonjë këshillë që do të ta jepja edhe në emër të tim eti, është: gëzohu pamasë se të jesh i sigurtë do jesh pika e saj e dobët. Kur të jemi në dhomën e spitalit dhe doktori të ta japë ta mbash në krahët e tua për herë të parë, të lutem premtoi se do ta duash më shumë se unë, kjo është shpërblimi që meriton t’ja thuash pas 9 muajve që une do t’a kem mbajtur. Ajo nuk do jetë gjithmonë e vogël, kështu që jam e sigurtë që kur të rritet do t’a kujtojë mirë puthjen në dorë prej princeshe që ti do t’a bësh ritual. Kur ajo të vijë në shtëpi nga shkolla e të bërtasë se shoqja e saj e ka sharë për modelin e ri të flokëve, edhe pse mund të të duket një muhabet gocash, më beso se pasi t’i kesh thënë se ajo duket shumë e bukur, një detaj i tillë do t’a bëje atë të mbështetet fort tek ty duke e veshur me vetëbesim. Bëji një natë palacinkat e saj m...
52 comments
Read more