Jam kaq e lumtur që në historinë
e njerëzimit ka patur shumë gra të suksesshme që i kanë dhënë një pamje tjetër dimensionit të
gruas nëpër botë. I gëzohem pa masë gjinisë time në cdo aspekt të saj, mbi të
gjitha faktit se historia ka treguar që fuqia e butë e femrës në plotësimin e
hapësirave shoqërore, ka bërë diferencën!
Me kalimin e viteve, me
ndryshimin e konceptit për pjesëmarrjen e gruas në poltikë dhe shfaqjen e saj më
shumë në shoqëri e në pozita të larta, është zbutur edhe mendësia se të qënurit
femër përpos paragjykimeve ka një rol tepër integrues dhe është benefit në jetën
sociale, kulturore e politike. Unë kam disa mikesha shumë të mirë që gëzojnë status të tillë, si në
jetën poltike ashtu edhe shoqërore, në pozicione vendim-marrëse sikurse në tavolina
drejtuese, femra të suksesshme, që bëjnë diferencën, edhe pse nuk kanë
pompozitetin e atyre që vjedhin vëmëndjen, janë absolutisht fokus i një syri e
mëndje të prehtë të rrethit të tyre.
(Për të gjitha të lart-përmëndurat:
Faleminderit që ekzistoni!)
Megjithatë shpesh herë në dukje
vitrina gënjen. Po të kthesh kokën sheh ende rreth e përqark modelin e
frustruar të një femre që mbi gjithcka lufton me veten sesa me ambjentin e
pa-frymë që ja mundëson plaga e hapur e trashëguar e maskilizmit vulgar.
Në diskutimet që bëhen harrohet
me/ose padashje ku thuhet se pjesëmarrja e grave edhe vajzave në vendimmarrje,
në politikë apo përfaqësimi i tyre, nuk është edhe nuk mund të jetë dëshirë,
dhuratë apo lëshim që i bëhet grave. Është e drejta e tyre njerëzore, ashtu si
edhe cdo e drejte secilit individ. E drejta për të zgjedhur dhe për tu zgjedhur
në bazë të Kushtetutes së Shqipërisë, është një e drejtë e barabartë për të
gjithë, por në realitet kanë ekzistuar dhe ekzistojne një sërë faktorësh me
karakter social, kulturor, ekonomik, historik etj., që kanë penguar një përfaqësim
të barabartë të grave dhe burrave në organet e zgjedhura, si dhe pjesmarrjen e
barabartë te grave si votuese. Prania e grave dhe vajzave në nivelet më të larta
të vendim-marrjes i shërben rritjes së cilësisë së kontributit të gjysmës së
shoqërisë në berjen e politikave. Nga ana tjeter, përfshirja e grave në këto
nivele, inkuarjon dhe krijon klimën nxitëse
edhe në sferë më të gjërë të mirë
funksionimit të shoqërisë civile.
Mark Twain me një shprehi të
ndjerë, dikur kishte shkruar:
“I dua të gjitha gratë, pavarësisht nga
mosha dhe nga ngjyra. Mendja njerëzore nuk mund t’i vlerësojë detyrimet
që kemi ne kundrejt gruas. Por ajo na qep kopsat, na ndërron
rrobat; na ndihmon për panairet fetare; ajo ka besim tek ne, na
tregon çdo gjë që mund t’i zërë veshi, për punët e vogla personale
të fqinjëve; na jep këshilla të mira dhe të pakursyera; na fërkon
ballin kur na dhemb koka; na lind fëmijët tanë, - tanët në përgjithësi. NË TË GJITHA MARRËDHËNIET E JETËS, ËSHTË NJË
NDERIM I DREJTË DHE MIRËNJOHËS TA QUASH GRUAN, BASHKËSHORTE. NË ÇDO
VEND QË TA VENDOSËSH GRUAN, NË ÇFARËDO DETYRË APO SËRE, AJO PËRBËN
NJË STOLI PËR VENDIN QË DO TË ZËRË DHE NJË THESAR PËR TË GJITHË."
Mekanizëm që gjeneron jetën, përjetësisht unike, para një
tavoline të mbushur me bekime, gruaja!
Desantila
Comments
Post a Comment