Skip to main content

Kam arrnuar zemrën sot!


Sot, mos më pyet se si jam, kam grisur shumë letra dhuratash e kam arrnuar zemrën me to. E ndjej kraharorin plot tani...
Mora frymë thellë e thashë faleminderit zot, më kanë thënë se zilia ka katër veshë e të dëgjon edhe kur pëshpërit, ndaj ula kryet e me sytë mbyllur pranova dhe njëherë në heshtje se të lumtur të bën një zemër plot!

Mendova se si kaloi kaq shpejt një vit e sa fuqi ka koha të jetë ekstazë e ndryshimeve të mia. Shfryva në heshtje për cdo individ që më ka dashur më pak se c’meritoja e prap me kokën ulur rradhita arsyet se pse kursehen njerëzit të të japin atë cfarë ti ua ofron si gosti në shikimin tënd. Akoma besoj se njerëzit e pafuqishëm të përballojnë stuhinë e një shpirti si të timin, më shohin nëpërmjet syzeve të diellit, me frikën se jam rreze e fortë! Në fakt jam e lindur në qershor, di që kam një shpirt të ngrohtë dhe e përcjell të butë në cdo cep ku qëndroj.

I lashë dhe njëherë të vegjëlit në shpirt, në kufirin e tyre, nuk i mbaj dot, dorëzohem!

U ktheva aty ku përqafimi im ndihet i plotë, te njerëzit që i dua me shpirt! Të paqtë ma bëjnë jetën ata me të cilët fati mi ka prurë në rrugë për të më shoqëruar e herë-herë për tu bërë krah, për të qarë lotët e gëzimit e për të fshirë ato të trishtuarat.

Të ngrohtat cokollata që pa to sdo të ishin aq të ëmbla ditët e dhjetorit, rrugët e ftohta të bëra me vrap, ëndrrat që cdo vit presin të zgjohen me realizim, pikëpyetjet që edhe pse kalon viti, nuk marrin ende një përgjigje, këpucët e blera pa kursim, dëshirat e fustaneve që mbajnë rradhë të bëhen protagoniste, copëza letrash të shkruara të mbetura në funde cantash, sa “të dua” e mesazhe të padërguara mban memoria e një telefoni, boshllëku i pritjeve në aeroporte, provime jete, rrugë të humbura e të gjetura pas një lodhje, njerëz si udhëtarë treni, të zbritur në stacione të ndryshme, kritika e lavdërime, përqafime të ngrohta të njerëzve të largët, sa urime për të jetuar 100 vite e më shumë, sa hezitime të bëra shuk në kosh për gjëra që kushedi se ku do të ishin sot, sa përshëndetje të panjohurish e indiferencë të njohurish, fërkime me thikë në duar e lule pa gjëmba të dhuruara në një grusht, gota alkoli të konsumuara për shëndet tëndin e timin, sa alkol i pirë në trishtim e sipër, lutje për të qëndruar, ankth për t’u larguar, rrugë të bllokuara nga qarkullimi kur më së shumti nxiton të shkosh diku, e boshllëk i frikshëm kur ndodhesh kuturu në rrugë, thashetheme thashetheme pafund, gërma të mbledhura si një kokërr ulliri kur qëllon të jetë i hidhur, e në pjatën tjetër, bollëk ëmbëlsie deri në velje...

Se si m’u mblodhën të gjitha sot, e smë peshuan rëndë aspak, se i seleksionova lehtë kur kafenë e parë e konsumova në drekë, dhe mëndja ish zgjuar më herët se trupi. Flakë të kuqe të lyera buzët më ngjyrën e dashurisë, që sot e putha si penel piktori, mbi cdo faqe që e ngrohtë më uroi krishtlindjen...

Grisa shumë letra dhuratash sot, e me to arrnova zemrën! E ndjej kraharorin plot tani...

Desantila

Comments

Post a Comment

Popular posts from this blog

Më thuaj dicka…

Më thuaj dicka që nuk di për ty, nga ato rrëfimet e vogla që të shpëtojnë në një bisedë të ngushtë. Nga ato mbrëmje ku në cepin e tavolinës rri heshtur cepi i mbetur i hënës dhe ti dergjesh në fjalë që kurrë më parë nuk i ke thënë. Me fytyrën që merr dritë e sytë që ndryshe shfaqen kur flasin për ndjesitë që vec ty të përkasin. Më thuaj si është të të duan e jo vetëm kaq, ma trego! Më trego si merr ngjyra fytyra ime kur të shoh, ma thuaj me fjalë si është kur të përqafoj e të lë shpirtin aty, cfarë ndizet tek ti e sa emocione ndjen. Më thuaj dicka që ende nuk ta njoh, fytyrën tënde pas një largimi, dëshirat që të lindin aty për aty në një moment të brishtë, si marrin formë tek ti gjithë format e shpërndara për ti dhënë jetë zemrës? Unë e di që të duash është njësoj si të flasësh për veten, ngushtësisht personale, se si të ta them, kur përqafoj veten, si të shpjegoj ndjesinë e lëkurës time? Duke të të dashur ty, mësova se qënkam egoiste. Duke mbrojtur ëndrrat e tua, lulëzova në pë...
Post a Comment
Read more

…dikur ëndërroja!

Dhe ishin flluska të vogla që përhapeshin në ajër e gjenin rrugën të shpërthenin në diell. Unë vazhdoja të mbetesha njësoj, me dëshira për ty që i shkruaja me ngjyra në shpirt. Kur të mora në krahë momentin e parë, nuk e di a kishim qënë gjithmonë pjesë e njëra tjetrës apo kishim jetuar një jetë të ndarë e tani u ritakuam. Kam qarë për ty, sa shumë e ndjeva frymën tënde! Rrugë e gjatë udhëtimi ynë, që nga dëshira e deri në ëndrrat që merrnin jetë me ty, cdo ditë. As nuk e dija se sa besnike do ishim ndaj njëra tjetrës në betimin e heshtur për tu parë sy më sy e për të rënë në dashuri me shikim të parë. Ti e jetësuar për ti dhënë zë gjithë mendimeve që sa herë vinin si mysafirë gjenin një tryezë plot më ngjarje që trilloheshin bukur nga dëshira për të të patur. Ti erdhe në jetë dhe bashkë me ty morën jetë të gjithë frikërat e mia! U gjenda e papërgatitur, për lotët e tu, për kërkesat e tua, për netët e tua pa gjumë, për veten! Unë nuk isha gati të isha ajo që ti mendoje dhe këtë e...
Post a Comment
Read more

Fuqia e Fjalës!

Fjalët janë të fuqishme. Pak gjëra duhen për  të ndriçuar ose për të dëmtuar dhe fjala padiskutim është si një gjuajtje në shenjë për shumë situata dhe individë. Përpiquni të mos bëni gabime me fjalën, janë si një armë vdekjeprurëse. Luftërat kanë filluar me fjalë, prej fjalës e më pas prap prej tyre kanë përfunduar. Kam njohur  njerëz të cilët janë të gatshëm të ndajnë ndjenjat e tyre më të brendshme, nevojat, frikën, shpresat dhe ëndrrat ... nëpërmjet fjalëve. Pa aftësinë për të vënë fjalët së bashku për të formuar mendimet tona, ne jemi të humbur. Mungesa e fjalëve mund të jenë shkatërruese. Shumë marrëdhënie janë humbur nga pamundësia e një partneri/e që kanë mungesë vullneti për të folur gjërat midis njëri-tjetrit, por zgjedhin rrugën e shkurtër, heshtjen. Më duket shumë interesant fakti se  kur i bërtasim fjalët tona, ato kanë tendencën të humbasin fuqinë e tyre; pak ironike kur e konsideron se duke pëshpëritur ato nuk do të jenë aq në vëmëndje të...
Post a Comment
Read more